Privatësia

Hajde Luaj (hajdeluaj.com) është koleksion lojërash falas shqip për telefon. Këtu shpjegojmë çfarë të dhënash përdorim dhe pse. Pyetje? Shkruaj në [email protected].

Zgjedhja jote

Çfarë ruhet në telefonin tënd

Lojërat ruajnë disa gjëra vetëm në telefonin tënd, që të funksionojnë: rekordin, numrin e raundeve, nëse zëri është i fikur, nëse e ke parë ftesën për ta shtuar lojën në ekran, dhe zgjedhjen tënde për cookies. Këto nuk dërgohen askund. Lojërat ruhen edhe për t'u hapur pa internet.

Google Analytics

Përdorim Google Analytics për të ditur sa njerëz luajnë dhe çfarë funksionon. Google Analytics ngarkohet për të gjithë vizitorët, por cookies vendosen vetëm nëse shtyp PO, PRANO.

Nëse pranon

Google përdor cookies (për shembull _ga) për të njohur të njëjtin shfletues në vizita të ndryshme, dhe mbledh:

• faqet që hap dhe sa kohë qëndron;
• llojin e telefonit dhe shfletuesit, gjuhën, dhe vendin ose qytetin e përafërt;
• ngjarjet e lojës: kur fillon dhe mbaron një raund, sa sekonda zgjati, çfarë të kapi, grada, kur ndan rezultatin dhe kur e shton lojën në ekran;
• nga erdhe, për shembull nga TikTok, WhatsApp ose Google.

Nëse refuzon ose nuk zgjedh

Nuk vendosen cookies dhe nuk ruhet asnjë identifikues në telefonin tënd. Google merr vetëm sinjale pa cookies për faqen e hapur dhe ngjarjet e lojës, bashkë me të dhëna teknike si lloji i pajisjes dhe vendi i përafërt. Google i përdor këto sinjale për të vlerësuar numrin total të vizitorëve, pa të lidhur me vizita të tjera.

Në të dyja rastet nuk mbledhim emrin, numrin e telefonit ose email-in tënd. Google përdor adresën IP vetëm për të gjetur vendin e përafërt dhe Google Analytics 4 nuk e ruan atë. Reklamat dhe personalizimi i reklamave janë të fikura. Për mënyrën si Google i përdor këto të dhëna, lexo si i përdor Google të dhënat nga faqet partnere dhe politikën e privatësisë së Google.

Cloudflare Web Analytics

Faqja shërbehet nga Cloudflare. Përdorim edhe Cloudflare Web Analytics për të numëruar sa herë hapen faqet. Ky numërim nuk përdor cookies, nuk ruan asgjë në telefonin tënd dhe nuk të njeh në vizita të tjera. Cloudflare sheh vetëm faqen e hapur, faqen nga erdhe, llojin e shfletuesit dhe pajisjes, vendin e përafërt dhe sa shpejt u hap faqja. Lexo politikën e privatësisë së Cloudflare.

Reklamat

Tani për tani nuk ka reklama. Nëse shtojmë reklama, do ta përditësojmë këtë faqe dhe do të të pyesim përsëri.

Fëmijët

Lojërat janë për të gjitha moshat dhe nuk kërkojnë llogari. Nuk mbledhim me vetëdije të dhëna personale nga fëmijët.

Kontakt

Për çdo pyetje për privatësinë, ose nëse do që të fshijmë të dhënat që lidhen me ty, shkruaj në [email protected].